काठमाडौ, माघ ५ - अख्तियार दुरुपयोग अनुसन्धान आयोगले बाराका जिल्ला शिक्षा अधिकारी जयप्रसाद दाससहित ५ जनाविरुद्ध विशेष अदालतमा भ्रष्टाचारको मुद्दा दायर गरेको छ । बाराको नेपाल प्राविका नाममा झोले विद्यालय खडा गरी भ्रष्टाचार गरेको अभियोगमा दासविरुद्ध अख्तियारले १ लाख १२ हजार रुपैयाँ बिगो मागदाबीसहित मुद्दा दायर गरेको हो ।
व्यवस्थापन समिति अध्यक्ष धुरेन्द्र प्रसाद र प्रधानाध्यापक सुरेन्द्र यादवविरुद्ध अख्तियारले जनही ११ लाख ७ हजार रुपैयाँका दरले बिगो मागदाबी गरेको छ । सबइन्जिनियर रनविर पासवानविरुद्ध एक लाख ५० हजार रुपैयाँ बिगो मागदाबी छ ।