शिवशंङ्कर मिश्र कलैया ( बारा ), माघ ४ गते । जिल्ला शिक्षा कार्यालय बाराले ३१ वटा झोले विद्यालयलाई खारेज गरेको छ ।
शिक्षा मन्त्रालय र अख्तियार दुरुपयोग अनुसन्धान आयोगको निर्देशन पछि जिल्ला शिक्षा कार्यालयको शिक्षा समितिको माघ २ गते बसेको बैठकले गरेको निर्णय अनुसार जिल्लाका ३१ वटा झोले विद्यालयहरु बन्द गराईएको जिल्ला शिक्षा अधिकारी तुलाराम भण्डारीले बताउनुभयो ।
यसरी बन्द हुने बिद्यालयहरुमा बाराको रामजानकी प्राथमिक विद्यालय अमवा, गायत्री प्राथमिक विद्यालय बडकी फुलवरिया ६, सरस्वती प्राबि.पत्रहटी ६, खैरा माया प्राबि.पत्रहटी ४, सतेश्वरी पत्रहटी प्राबि.९, नेपाल राष्ट्रिय प्राथमिक विद्यालय इनर्वामाल ७, नवजाग्रुती प्राबि. इनर्वामाल २, नेराप्राबि. इनर्वामाल ३, मकटबी मदर्सा दारुल इनर्वामाल ८, नेराप्राबि.महेन्द्र आर्दश ६, नेराप्राबि. इनर्वामाल ८, प्रगतीशिल प्राबि. इनर्वामाल ६, नेराप्राबि.कुडवा १, अजमुल ईस्लाम मदर्सा प्राबि.कचोर्वा ३, खारेज गरिएको जिल्ला शिक्षा कार्यालय बाराले जनाएको हो ।
यसैगरी बन्द भएका विद्यालयहरुमा रामना कामना माई प्राबि. बरियारपुर, भुटनदेवी प्राबि.बरियारपुर, नेराप्राबि. हेगौलिया, सत्यनारायण भगवान प्राबि.पिप्राबिर्ता बलुवा, नेराप्राबि.प्रशुरामपुर २, नेराप्राबि.बगही ५, नेराप्राबि बगही १, नेराप्राबि. कवही गोठ ९, नेराप्राबि.कवहीगोठ ४, जिनबाबा प्राबि.हद्र्धिया ८, नेराप्राबि.पिप्राबिर्ता १, देवमाया प्राबि.सपही ७, सर्वजनिक प्राबि. रामपुर खे, जनहित प्राबि. बसतपुर, सरस्वती प्राबि.बसतपुर, मदर्सा नुरुल उलुम बसतपुर र बौद्धीमाई प्राबि. देवीगंज रहेका छन् ।
यी विद्यालयहरुको नाममा रहेको चल–अचल सम्पत्ति जिल्ला शिक्षा कार्यालयले नियन्त्रणमा रहेको जिल्ला शिक्षा अधिकारी भण्डारीले बताउनुभयो । कानुनी प्रकृया फितलो रहेका कारण शिक्षा माफिया र केही कर्मचारीहरुको मिलोमत्तोमा बर्षौ देखी सरकारी रकम कागजी प्रकृया पुरागरी केही ब्यक्तिहरुले बिद्यालयको नाउँमा खादै आएको प्रति नागरिक समाज बाराका अध्यक्ष सुख प्रसाद चौधरीले दुखेसो ब्यक्त गर्नुभयो ।