नेपालगञ्ज ६ माघ / एकीकृत नेकपा माओबादीका कार्यकर्ताहरुले बन्दको अबज्ञा गरेको भन्दै नेपालगंजको बाँके बगियास्थित वेस्ट जोन ईंगलिस वोर्डिग स्कुलमा तोडफोड गरेका छन् ।
कक्षा १० को एसएलसी तयारी परिक्षा चलेका बेला स्कुल हातामा प्रवेश गरेका ७ जनाको समूहले तोडफोड गरेका हुन् । उनीहरुले ५५ जना परीक्षार्थीको उत्तरपुस्तिका च्यातिदिएका छन् । ८० जनाले परिक्षा दिइरहेका थिए ।
बिद्यालय शान्ति क्षेत्र भनेर प्रतिबद्धता जनाएको पार्टीका कार्यकर्ताले नै बिद्यालयमा पसेर जथाभाबी उत्तरपुस्तिका च्यातेका हुन् ।
बन्दकर्ताको अबरोधपछि परिक्षा प्रभाबित भएको छ । उनीहरुले डेक्स वेञ्च तोडफोड गरेर भागेको बिद्यालयका शिक्षक टिकाराम कार्कीले बताए ।