पर्वत, २०७२ माघ १४ । आफ्नो जन्मदिनलाई भोजभतेर गरेर मनाउने संस्कारको अन्त्य गर्दै पर्वतका एक युवाले आफ्नो जन्मदिनमा ३६ जना बालबालिकाहरुलाई शैक्षिक सामाग्रि बितरण गरेर आफ्नो जन्मदिन मनाएका छन् । मुडिकुवा ६ सिर्सुवामा २०४५ सालमा जन्मिएर विगत केहि वर्षदेखि सदरमुकाम कुस्मामा बस्दै आइरहेका अच्यूत तिवारीले आफ्नो २७ औं जन्म दिन बालबालिकाहरुलाई शैक्षिक सामाग्रि हस्तान्तरण गरेर मनाएका हुन् । आफ्नो जन्मगाउँकै मुडिकुवा ७ चुरीमा रहेको बाल प्राथमिक विद्यालयमा अध्ययनरत ३६ जना बालबालिकाहरुलाई करिव ५० हजार बराबरका शैक्षिक सामाग्रि हस्तान्तरण गरेका हुन् ।
कुस्माको एकता युवा क्लवका अध्यक्ष समेत रहेका तिवारीले जन्मदिनमा गर्ने अनावश्यक खर्च जोगाएर बालबालिकाहरुलाई सहयोग गर्दा आत्मसन्तुष्टी मिलेको बताए ।
कार्यक्रमका प्रमुख अतिथि एवं जिल्ला प्राविधिक कार्यालय मुस्ताङका प्रमुख जिल्ला इन्जिनियर रबिन्द्र तिवारीले अनावश्यक खर्च गर्ने समाजका बिचमा अच्यूतले गरेको सामाजिक काम अरुका लागि समेत प्रेरणादायि भएको बताउनुभयो । तिवारीले सामाजिक काममा यूवाहरुको सक्रियताले अरु क्षेत्रमा लाग्नेहरुका लागि पनि प्रेरणा मिल्ने बताए ।
कार्यक्रमका अवसरमा बोल्दै विद्यालयका प्रधानाध्यापक शंकरदेब गौंडेलले विद्यार्थीहरुका लागि यो अहिलेसम्मकै ठुलो सहयोग भएको भन्दै नियमित विद्यालय आउन हौसला मिल्ने बताए । शिक्षक कुलप्रसाद लामिछानेले बालबालिकाहरुका लागि गरिएको यो सहयोगले उनिहरुका पढाइमा एक वर्ष सम्म हौसला मिल्ने बताए । अकौ शिक्षक छबि तिवारीले यूवाहरुले गरेको सामाजिक काम अरु व्यक्तिहरुका लागि पनि प्रेरणादायि हुने बताएका थिए ।
कार्यक्रमका अवसरमा जिल्ला शिक्षा कार्यालयको शंकरपोखरी स्रोत केन्द्रका स्रोत व्यक्ति ढकप्रसाद तिवारी, नेपाली कांग्रेस पर्वत काठमाडौं सम्पर्क समितिका संयोजक शैलेन्द्र गौंडेल, स्थानीय समाजसेवी युवा दिनेश लामिछाने, विद्यालय व्यवस्थापन समिति अध्यक्ष सर्वजित विश्वकर्मा, लगायतले बोलेका थिए । कार्यक्रमको सञ्चालन विद्यालयका शिक्षक कुलप्रसाद तिवारीले गरेका थिए ।
प्राबिधिक शिक्षा देश बिकासको आधार कुनै प्रविधिसँग सम्बन्धित भएर हासिल गरिने व्यावसायिक ज्ञानलाई प्राविधिक शिक्षा भनिन्छ । सामान्यतया शिक्षाको अर्थ ज्ञान आर्जन गर्नु वा केही सिक्नु भन्ने हो । शिक्षाले नै मानिसलाई कुनै विषयमा निष्णात वा पारङ्गत बनाउँछ । यसकारण यन्त्र, उपकरण, मेसिन, उदोगधन्दा, कलकारखाना लगायतका विभिन्न प्रविधिसँग सम्बन्धित ज्ञानलाई प्राविधिक शिक्षा भनिन्छ । यस्तो शिक्षा वर्तमानको आवश्यकता बनेको छ । प्राविधिक शिक्षाको माध्यमबाट वर्तमान समयमा व्यक्तिले आफ्नो आर्थिक स्थिति सुदृढ बनाई राष्ट्रिय अर्थतन्त्रमा समेत योगदान गर्नसक्छ । वर्तमान समय विज्ञान र प्रविधिको समय हो । मुलुकको विकासका लागि भौतिक तथा प्राकृतिक साधन स्रोतको जति मात्रामा भूमिका रहन्छ त्यो भन्दा बढी भूमिका जनशक्ति वा मानवशक्तिको रहन्छ । देश विकासमा महत्वपूर्ण भूमिका निर्वाह गर्ने मानवीय पूँजी निर्माणका लागि प्राविधिक शिक्षा अपरिहार्य छ । प्राविधिक ज्ञान आर्जन गरेको व्यक्तिले मात्र प्राकृतिक साधन र स्रोतको समुचित उपयोग गरी मानवकल्याणका निमित्त योगदान दिनसक्छ । हाम्रो देश नेपाल विश्वका अन्य कतिपय मुलुकको दाँजोम