भुकम्पले भत्काएपछि संयुक्त कक्षा सञ्चालन

पर्वत, ३० पौष ।
वैशाख १२ र २९ गते आएको महा भुकम्पबाट क्षतीग्रस्त भएका विद्यालयलाई सरकारले अझै पनि व्यवस्थापन गर्न सकेको छैन । जिल्लाको तिलाहार ४ मा रहेको जन प्रकाश प्राविको भुकम्पबाट क्षती ग्रस्त दुई कोठे भवनको सम्बोधन हुन नसकेको हो ।
भुकम्प गएको नौ महीना सम्म पनि विद्यालयलाई कतै बाट सहयोग प्राप्त भएको छैन । विद्यालयका दुई कोठा पठन पाठनका लागि अयोग्य भएपछि कक्षा बाँडेर बढाउनुपर्ने बाध्यता रहेको विद्यालयले जनाएको छ । विद्यालयका अनुसार कक्षा दुई र तीन कक्षा लाई एउटै कोठामा राखेर पठन पाठन गराउँदै आइएको छ । कक्षा एक लाई भने अफिसमा राखेर पढाउँदै आएको विद्यालयका प्रअ खेम लामीछानेले बताए ।
वाल कक्षा लाई कक्षा बाहीर नै राखेर कक्षा सञ्चालन गराउनुपर्ने वाध्यता रहेको विद्यालयले बताएको हो । पाँच कक्षा सम्म सञ्चालित विद्यालयलमा चार वटा मात्र कक्षाकोठा हुनुले भवनको अभाव भएको विद्यालयले बताएको हो । संयुक्त रुपमा कक्षा पढाउँदा वालवालिकाहरुको पढाईमा ध्यान केन्द्रित गर्न नसकीएको विद्यालयका शिक्षक किसोर मनस्वीले बताए । वाल कक्षा खुल्ला आकासमा सञ्चालन गराउँदा नियमीत गर्न नसकीएको विद्यालयले बताउँदै आएको छ । विद्यालयमा अहीले ४० जना वालवालिका अध्यायनरत छन ।