गजल
देशबाटै अज्ञानता भगाउनु पर्छ अब ।
जन-जनमा चेतना जगाउनु पर्छ अब ।।
जे जति स्रोत साधन उपलब्ध छ यहाँ ।
शिक्षाको बिकासमा लगाउनु पर्छ अब ।।
समाजमा देखिएका कुरीति र कुसंस्कार ।
गण्डकीको भेलसंगै बगाउनु पर्छ अब ।।
चेतनाको दियोसँगै सुगन्धित बासनाहरु ।
हरेक गाउँ बस्तीमा मग्मगाउनु पर्छ अब ।।
गजल
बिद्यालय भर्ना गरौं साना बाबु नानीलाई ।
प्रोत्साहन गर्ने गरौं पढ़ने लेख्ने बानीलाई ।।
माया, ममता, स्नेहले राम्रो सिकाइ दिऊं ।
झोला बोकी रमाइ रमाइ स्कूल जानीलाई ।।
सिर्जनाका लहरहरु उर्लिएर आउने गरी ।
फराकिलो बनाई दिऊं ज्ञानको खानीलाई ।।
नेपालबाटै निरक्षरता उन्मूलन गरौं अब ।
उपलब्धि बढ़ाएर रोकौ शैक्षिक हानीलाई ।।
साक्षरोत्तर कार्यक्रम अब शुरू गर्नु पर्छ ।
खेर जान दिनु हुन्न राज्यको लगानीलाई ।।
<शिक्षक हामी>
शिक्षक हामी ज्ञान सीपका खानी ।।
बाड्ँछौ हजुर सबलाई केहि झर्को नमानी ।।
बालबालिका भविष्यका कर्णधार ठानी ।
आफ्नो आफ्नो कर्तव्य र दायित्वलाई जानी ।
पाठ्यक्रम निर्देशिका सधँै राखि साथमा ।
उपलब्धि मूलक शैक्षिक सामग्री छन् हातमा ।
शिक्षक हामी ज्ञान सीपका खानी ।
विद्यार्थीलाई बाँड्छौ केहि झर्को नमानी ।।
स्कुलको समयलाई खेर फाल्ने छैनौं ।
राजनीतिको झोला बोकी हामी हिड्ने हैनौं ।
बिद्यालय शान्ति क्षेत्र बनाएरै छाड्छौ ।
गरीखाने शिक्षा अब भाइ बैनीलाइ बाड्छौ ।
शिक्षक हामी ज्ञान सीपका खानी ।
बाँड्छौ हजुर सबलाई केहि झर्को नमानी ।।
अभिभावक भेला राखि अन्तरक्रिया गर्छौ ।
स्कूलको समस्यालाई सबै मिलि टार्छौ ।
बालमैत्री बाल केन्द्रित शिक्षण विधि छानी ।
सिक्छौ अनि सिकाउछौ रमाइलो मानी ।
शिक्षक हामी ज्ञान सीपका खानी ।
बाँड्छौ हजुर सबलाई केहि झर्को नमानी ।।
किताबका पाना पाना घोकाउन छोडी ।
सिकाइलाइ व्यवहार सँग सिकाउछौ जोडी ।
खेल संगीत छलफल र अनुसन्धान गरी ।
बालमैत्री शिक्षण विधि प्रयोग थरि–थरि ।
शिक्षक हामी ज्ञान सीपका खानी ।
बाँड्छौ हजुर सबलाई केहि झर्को नमानी ।।
परियोजना कार्य भ्रमण लघु शैक्षिक ।
अतिरिक्त क्रियाकलाप भाइबैनिमा लक्षित ।
सिर्जनात्मक सीपलाई आत्मासाथ मानी ।
मर्यादित शिक्षण पेशा कहलाउँछौँ जानी ।
शिक्षक हामी ज्ञान सीपका खानी ।
बाँड्छौ हजुर सबलाई केहि झर्को नमानी ।।
रचनाकारः उद्धव प्याकुरेल
स्रोतः EducationPati.com