गजलहरू

उन्ले जित्दा मैले जितें दाउ एउटै परेछ कि ।
उन्ले खांदा म अघाएं भाउ एउटै परेछ कि ।।

सिरेठोमा अगेनोमा बसी आगो ताप्दा खेरी ।
उता पोल्दा यता दुख्यो घाउ एउटै परेछ कि ।।

उनी डुब्दा म पनि डूबें डुब्दा डुब्दै पारी पुग्यौ ।
उन्को मेरो जिन्दगीको नाउ एउटै परेछ कि ।।

उनी कता म कता भेट हुनै मुस्किल हुन्थ्यो ।
हिजो आज भेट हुन्छ गाउ एउटै परेछ कि ।।

उन्लाई ऋण लाग्दाखेरी मेरो उठीबास भयो ।
उन्लाई मलाई कर्जा दिने साहु एउटै परेछ कि ।।

२०७४/०८/१९