दक्ष शिक्षकमा हुनुपर्ने गुण र बिशेषताहरु
१. राम्रो शिक्षकले कक्षाकोठामा भएका सबै विद्यार्थीलाई पहिचान गर्न सक्छ । नाम तथा ठेगाना थाहा पाएको हुन्छ ।
२. राम्रा शिक्षकले ती सबै विद्यार्थीले समान अवसर दिन्छन । जसलाई उत्तर थाहा पाएर पनि बोल्न नसक्ने हुन्छन र शिक्षकले बोल्न सक्ने वातावरण सिर्जना गरी उनीहरुलाई सहयोग गर्छन ।
३. कमजोर विद्यार्थीलाई उनीहरुका कमजोरी हटाउन र उनीहरुलाई बलियो बनाउन सहयोग गर्छन ।
४. राम्रा शिक्षक विद्यार्थीका साथी जस्तै हुन्छन । विद्यार्थीको ठट्टा र चुट्किलामा हाँस्न सक्छन । र निकै स्नेहले व्यवहार गर्छन् ।
५. उत्तरपुस्तिका परीक्षण गर्दा विद्यार्थीले गलत लेखेको अवस्थामा रातो मसीले गोलो लगाउनुको साटो उत्तर कसरी सही हुन्छ भन्ने जानकारी दिन्छन ।
६. जो शिक्षक विद्यार्थीलाई स्वतन्त्रता दिन रुचाउँछन । दिन्छन । विद्यार्थीलाई आफ्नो दृष्टिकोण राख्न सहयोग गर्छन ती राम्रा शिक्षक हुन्छन ।
७. विद्यार्थीसँग खेल खेल्ने, चिया तथा खाजा खान नहिच्किचाउने शिक्षक राम्रा हुन्छन ।
८. विद्यार्थीसँग कहिले साथि, त कहिले अभिभावक, अध्यापक, दाजुभाइ तथा दिदीबहिनी जस्तै सम्बन्ध निभाउने शिक्षक राम्रा शिक्षक हुन्छन् ।
९. विद्यार्थीको मनोभावना बुझेर ऊ दुःखी छ भने उसलाई खुसी बनाउने शिक्षक र उसको समस्या पहिचान गरेर समाधान गरिने शिक्षक राम्रा हुन्छन् ।
१०. पढाइसँगै अतिरिक्त क्रियाकलापमा सघाउने, विद्यार्थीको चाहना बुझेर उसलाई सिकाउने शिक्षक राम्रा शिक्षकमा पर्छन ।