शिक्षा र सरोकार

मुस्ताङ, असार ११ - प्रयोगात्मक विषयको नम्बर हराउँदा स्थगित भएको मुस्ताङ जिल्लाको एसएलसी नतिजा सार्वजनिक हुँदा मुस्ताङ भक्तपुरपछि दोस्रो उत्कृष्ट जिल्ला बनेको छ । मुस्ताङमा ८६.५९ विद्यार्थी उत्तीर्ण भएका छन् । देशभर ४७ प्रतिशत विद्यार्थी उत्तीर्ण हुँदा हिमाली जिल्लाको नतिजा भने देशकै दोस्रो उत्कृष्ट भएको जिल्ला शिक्षा अधिकारी केशरीरमण न्यौपानेले जानकारी दिए । 'भक्तपुरको नतिजा ८७ प्रतिशत छ, हामी देशकै दोस्रो भयौं,' जिशिअ न्यौपानेले भने । जिशिका मुस्ताङका अनुसार ९७ जना विद्यार्थीले परीक्षा दिएकोमध्ये ४६ जना प्रथम श्रेणी, ३७ जना द्वितीय र एकजना तृतीय श्रेणीमा गरी ८४ जना विद्यार्थी उत्तीर्ण भएका छन् । असार ४ गते प्रकाशित भएको प्रवेशिका परीक्षाको नतिजामा मुस्ताङको नतिजा समावेश भएको थिएन । जिशिकाले प्रयोगात्मक नम्बर पठाए पनि परीक्षा नियन्त्रण कार्यालयले समावेश नगर्दा समस्या भएको थियो । 'ढिलै भए पनि राम्रो नतिजा आएको छ, अहिले हामीले हरेक विद्यालयमा मार्कशिट पुर्‍याइसकेका छौँ,' जिशिअ न्यौपानेले भने ।

भक्तपुर,   ११ असार  - एसएलसीमा कडाई गरेको भन्दै भक्तपुरका शिक्षा अधिकारी रमाकान्त शर्माको निजी विद्यालय सञ्चालकले बिरोध गरे । उनी सहभागी कार्यक्रममा उपस्थित नहुने बिराधपत्र जारी गरे । निजी विद्यालयको बिरोधलाई शिक्षा विभागले समेत साथ दियो । शुल्क सम्बन्धि विद्यालयका साहुसंगको बैठकमा शर्मालाई राखे सहभागी नहुने अडान लिएपछि विभागले उनलाई राखेनन् । शर्माको बिरोध गर्नुको एउटै कारण थियो-'एसएलसीमा चोर्न नदिनु । कडाई गर्नु ।' शर्माको सरुवा गर्न विद्यालय सञ्चालकहरुले शिक्षा मन्त्री, सचिव, विभागका महानिर्देशक र क्षेत्रीय निर्देशकलाई समेत हार गुहार गरे । उनलाई सरुवा गर्ने तयारी समेत गरे । अहिले पनि शर्माको कामको चर्चा सुरु भएको छ । ७४ जिल्लालाई पछि पार्दै भक्तपुरले यसपालीको एसएलसीमा ८७.७४ प्रतिशत विद्यार्थी उतिर्ण गराउन सफल भएपछि सबैले उनको प्रशंसा गर्न थालेका छन् । च्यामासिंह स्थित बागेश्वर उच्च माध्यमिक विद्यालयका विज्ञान शिक्षक उकेश सुवालकी छोरी आयुसा सुवालले यही विद्यालय पढेर यसपालीको एसएलसीमा ९२.३७ प्रतिशत ल्याएकी छिन् । गत वर्षको भन्दा तीन प्रतिशत बढी र सबै जिल्ल...

काठमाडौँ । प्रधानमन्त्री सुशील कोइरालाले अस्थायी शिक्षकका समस्या समाधान गर्न निर्देशन दिएपछि शिक्षा मन्त्रालयले त्यस कार्यमा पहल सुरु गरेको छ । केही दिनअघि नेपाल शिक्षक संघका पदाधिकारीहरुले प्रधानमन्त्री कोइरालालाई प्रधानमन्त्री निवास बालुवाटारमा गई भेटेका थिए । प्रधानमन्त्रीले तत्काल अर्थमन्त्री, शिक्षामन्त्री तथा सञ्चारमन्त्रीसँग कुरा गरी अस्थायी शिक्षकका समस्या तत्काल समाधान गर्न निर्देशन दिनुभएको थियो । प्रधानमन्त्री कोइरालाले निवासमा नेपाली काँग्रेसका नेता दिलेन्द्रप्रसाद बडुलाई बोलाउन लगाइ अस्थायी शिक्षकका समस्या समाधान गर्ने कार्यमा नेतृत्व लिन निर्देशन दिनुभएको थियो । बडुले आफूले त्यस कार्यका लागि नेतृत्व लिन तयार भएको जनाउ दिनुभएको थियो । त्यहाँ शिक्षामन्त्री चित्रलेखा यादवलाई पनि बोलाइएको थियो तर उहाँले आफू कार्य व्यवस्ताका कारण आउन नसक्ने बताउँदै अस्थायीका माग सम्बोधन गर्न आफूले पहल गर्ने प्रतिवद्धता व्यक्त गर्नुभएको थियो । प्रधानमन्त्रीले पुराना शिक्षकलाई गोल्डेन हेन्डसेक दिएर बिदा गर्ने, खाली स्थानमा आन्तरिक प्रतिस्पर्धाबाट अस्थायी शिक्षकलाई मौका दिन...

भक्तपुर ११ असार /  शिक्षक सेवा आयोगले परीक्षा केन्द्र निर्धारण गरेको छ । असार २५ गतेबाट हुने माध्यामिक तहको परीक्षाका लागि १ सय ७१ केन्द्र निर्धारण गरिएको छ । असार २६ गते हुने निम्न माविका लागि ४ सय ५५ केन्द्र निर्धारण गरिएको छ ।   माध्यमिकका लागि पूर्वाञ्चलमा ३८, मध्यमाञ्चलमा ५१, पश्चिमाञ्चलमा ३८, मध्य पश्चिममा २२ र सूदूर पश्चिममा २२ केन्द्र तय गरिएको आयोगले जनाएको छ ।  माध्यमिकमा ४४ हजार १ सय २४ उम्मेद्वारले परीक्षा दिदैं छन् । जस अनुसार पूर्वाञ्चलमा ८ हजार ९ सय ६१, मध्यमाञ्चलमा १२ हजार ७ सय ३०, पश्चिमाञ्चलमा ११ हजार ६ सय ३५, मध्य पश्चिममा ५ हजार ५ सय ८१ र सुदुर पश्चिममा ५ हजार १ सय १७ परीक्षार्थी रहेको आयोगले जनाएको छ । परीक्षा विहान ८ बजेबाट हुने छ ।  यस्तै निम्नमाध्यमिक तह तर्फ १ लाख १८ हजार २ सय ६१ परीक्षार्थी सहभागि हुदैं छन् । पूर्वाञ्चलमा १ सय ६, मध्यमाञ्चलमा १ सय १८, पश्चिमाञ्चलमा ९९, मध्य पश्चिममा ७९ र सुदुर पश्चिममा ५३ केन्द्र तय गरिएको आयोगले जनाएको छ । पूर्वाञ्चलमा २५ हजार ७ सय १२, मध्य पश्चिममा २९ हजार ६ सय ५, पश्चिमाञ्चलमा २९ हजार ९ सय २८, मध्य ...

यस वर्षको प्रवेशिका(एसएलसी) परीक्षामा बुटलवलमा रहेको कालिका उमाविका ९२.९१ प्रतिशत विद्यार्थी उतिर्ण भएका छन् । १२७ जनाले परीक्षा दिएकोमा ११८ जना उतीर्ण भएको विद्यालयका प्रधानाध्यपक घनश्याम पाठकले जानकारी दिए । अघिल्लो वर्षहरुभन्दा यसवर्ष ‘रिजल्ट’ सुध्रेको उनले बताए । सामुदायिक विद्यालयका विद्यार्थीले यसरी उत्कृष्ट नतिजा ल्याउन सफल भएकोमा प्रधानाध्यपक पाठक खुसी छन् । पाठक भन्छन्, ‘यसपटक धेरै राम्रो भयो । हाम्रो विद्यार्थी पनि विशिष्ट श्रेणीमा उतिर्ण भए । गयत्री घर्तीले ९०.६३ प्रतिशत ल्याइन् । १२ जना विशिष्टमा, ८४ जना फस्ट डिभिजनमा, २२ जना सेकेन्ड डिभिजनमा पास भए ।’ प्रविधिक विषयमा परीक्षा दिएका ४५ जनाको नतिजा आउन बाँकी रहेको उनले सुनाए । ती विद्यार्थीको नतिजा झनै उत्कृष्ट आउने पाठकले आशा गरेका छन् । सामुदायिक विद्यालयको नतिजा सुध्रिनुमा व्यवस्थापन समितिको सहयोग र शिक्षकहरुको लगनशीलताले ठुलो काम गरेको उनी बताउँछन् । ‘हामी बुटवललाई शिक्षाको राजधानी बनाउन चाहन्छौ,’ प्रधानाध्यपक पाठकले भने, ‘यसमा हाम्रो स्कुललाई पहिलो नमुना बनाउनुपर्छ भनेर हामी लागेका छौं, यसमा व्यवस्थापन समितिको ...

धौलागिरीका चारै जिल्लाको एसएसलसी नतिजाको अबस्था यस्तो छ । पर्वत मा ४७ दशमलव ४८ प्रतिशत विद्यार्थी उत्तीर्ण भएका छन् । ३ हजार ३८ मध्ये १ हजार ४ सय ५२ विद्यार्थी पास भएको शिक्षा कार्यालयले जनाएको छ । गत वर्ष ४३ प्रतिशतमात्रै उत्तीर्ण भएका थिए । कार्यालयका शाखा अधिकृत राजेन्द्रबहादुर क्षेत्रीका अनुसार १ सय २ विशिष्ट, ४ सय ९० प्रथम, ८ सय २ दोस्रो र ५८ जना तेस्रो श्रेणीमा पास भएका छन् ।  बागलुङ मा नियमिततर्फ ४० दशम लव ३८ प्रतिशत विद्यार्थी उत्तीर्ण भएका छन् । जिल्लाका ५ हजार २९ जनाले दिएको परीक्षामा २ हजार ३१ उत्तीर्ण भएको जिल्ला शिक्षा कार्यालयका शाखा अधिकृत खेमप्रसाद आचार्यले बताए । विशिष्ट श्रेणीमा ९७, प्रथम श्रेणीमा ७ सय ४१, द्वितीय श्रेणीमा १ हजार १ सय ३२ र तृतीय श्रेणीमा ६१ जना उत्तीर्ण भएका हुन् । म्याग्दी मा ६४ दशमलव १६ प्रतिशत उत्तीर्ण भएका छन् । शिक्षा कार्यालयका अनुसार २ हजार २ सय ३५ मध्ये विशिष्ट श्रेणीमा ६३, प्रथम श्रेष्णीमा ५ सय ६३, द्वितीयमा ७ सय ९४ र तृतीय श्रेणीमा १४ जनासहित १ हजार ४ सय ३४ विद्यार्थी उत्तीर्ण भएका छन् । मुस्ताङ का विद्यार्थीको प्रयोगात्मक अंक...

पोखरा, असार ५ - हिमालपारिको मुस्ताङबाट सहभागी सबै ९८ विद्यार्थीको परीक्षाफल स्थगित भएको छ । परीक्षा नियन्त्रण कार्यालयले परीक्षाफल प्रकाशित गर्दा मुस्ताङका विद्यार्थीको प्रयोगात्मक अंक समावेश नगरिदिएकाले उनीहरूको परीक्षाफल स्थगित भएको हो । शिक्षा कार्यालय मुस्ताङका अनुसार ८५ प्रतिशत विद्यार्थी उत्तीर्ण भएको अनौपचारिक जानकारी छ । प्रयोगात्मक अंक प्रविष्ट नहुँदा उत्तीर्ण भएका भनिएका विद्यार्थीको पनि श्रेणी पनि खुलेको छैन । ‘परीक्षा नियन्त्रण कार्यालयको लापरबाहीको कारणले प्रयोगात्मक अंक प्रविष्ट नगराउँदा मुस्ताङका सबै विद्यार्थीको परीक्षाफल स्थगित भएको छ,’ शिक्षा कार्यालय मुस्ताङका विद्यालय निरीक्षक मोतीलाल चापागाईंले भने, ‘परीक्षा नियन्त्रकसम्म गुनासो गरेका छौं । आइतबार समस्या सुल्झन्छ भन्ने आश्वासन आएको छ ।’ यसपटकको प्रवेशिका परीक्षामा पश्चिमका विभिन्न जिल्लामा उत्तीर्ण प्रतिशत बढेको छ । कास्कीमा ७१ दशमलव ८९ प्रतिशत विद्यार्थी उत्तीर्ण भएका छन् । ९ हजार ५ सय ५१ जनाले परीक्षा दिएकोमा ६ हजार ८ सय ६७ विद्यार्थी उत्तीर्ण भएका हुन् । उत्तीर्णमध्ये १ हजार १ सय ९८ विशिष्ट, ४ हजार २ सय ७ ...